لسة مبتدئة في المكياج ..ومش عارفة تختاريه ازاي؟؟

• 
  </li>
  
• مساهمة رقم 1
  

لسة مبتدئة في المكياج ..ومش عارفة تختاريه ازاي؟؟



من طرف smsm في الأحد يونيو 29, 2008 8:21 pm


لو لسة ياقمر مبتدئة في المكياج مش عارفة تستخدميه ازاي

او انهي نوع انسب ليكي

تعالي أقولك تعملي ايه


بصي ياستي بالنسبة لمكياج الصيف ده

فهو يعتبر اجمل مكياج
لانه بيعتمد على الالوان الهادية والرقيقة

وقبل ماتشتري المكياج لازم تشوفي تاريخ الصلاحية ..ماتنسيش

يلا بينا ع المهم

الشفايف

لو بتفكري تشتري روج ما تشتريهوش ناشف علشان ممكن يجرح شفايفك
وقبل ماتشتري الجليتر لو حبيتيه مثلا ياريت تشمي ريحته الاول بعد ماتجربي لونه على ايدك
عشان ممكن ريحته تجيبلك حساسية او تضايقك

و الألوان اللي تليق على البنت السمرا قوي درجات البني و الدهبي الغامق و الأورانج و الأحمر
أما البنت الأمحاوية يليق عليها اللون البرتقالي بدرجاته الفاتحة و البيج اللامع و البنبي الدرجات التقيلة منه أما البنت البيضة فالروز الفاتح و الملمع الشفاف و الموف بدرجاته كله يليق عليها

العيون

لو بتشتري قلم كحل اول حاجة اعرفي من البياع النوع بتاعه اللي بيتحط في العيون و لا من بره بس و لازم قلم الكحل ما يكونش ناشف و لا يكون طري زيادة عن اللزوم
و الألوان اللي تناسب العيون السوداء القلم الكحل الأسود و الأزرق
و اللي عيونها بني نفس الموضوع
و اللي عيونها لبني و خضراء بنصحهم باللون الأسود ككحل علشان ما يكونش حفلة ألوان في وشهم

ظل الجفون

ظل الجفون طبعا بيكون حسب طبيعة و لون لبسك


بس خلي بالك من اللون الأحمر و الموف و البني لما بتشتريهم
في أنواع بعد ما تحطيها بخمس دقايق بتتحول لونها لأحمر
و طبعا شكلك حيكون كأنك بتعيطي أو حد ضربك بوكس في عينك


أما بالنسبة للبودرة

البودرة المضغوطة أو السايبة بتجربي درجتها على إيدك من الناحية اللي برةاو دقنك يكون افضل و تشوفي لون قريب من بشرتك أو نفس اللون لا أفتح و لا أغمق و بلاش الفاتح قوي اللي بيبقى عامل زي محارة حيطة على الوش كأنه أسمنت و الجمال مافيهوش سمرة و لا بيضة الحلاوة حلاوة الطبع

ودي صور لمكياج امثلة ليكو

ههههههههههههههه
حلو يا كيمو والله
الموضوع دة
عاوزين بقي بنات علشان ترد علي الموضوع الحلو دة

ههههههههههههههههههههههههههههههههه
ما شي يا ميدو
همتك معانا بقي
شكرا لمرورك نورت الموضوع